Kifflektüre

Über gentechnisches ässe chan mer sich ja au striite. Ob das jetzt guet isch wemmer riis macht mit zuesatz vitamin oder öbmer wenn möglich no es dritts aug überchömed wemmer so was essed. Nüt isch unmöglich, vorallem im fernseh. Besser gseit i de werbige. Jede vo eus het ja sicherlich scho mol die komische verchaufssendige glueged, die houmeschopping sendige mit dene super passende synchronisationen. Obwohl die synchronisatione bruchts ja nümm, mehr hend ja scho selber agfange so en seich zmache. Wo ich letschti d werbig vomene abschminkpad fürd auge gseh han (ich nenn jetzt da kei marke, aber es gits si im coop) und sie mit ihrem wättli über ihri black smouki auge gfahre isch hets mich also scho überrascht dass das alles ohni schmiere mit eim zug weggange isch. ICH WILL AU, hani mir denkt. Und denn het sich aber doch no de verstand gmeldet und gseit, NEI MONA das isch gar nöd möglich. Us irgendeme grund het mer glich luscht de scheiss uszprobiere, vilicht klappts ja doch. Haha… wievil mal ich mir das scho denkt han. Das müsst fast verbotte si…

mir schwiizer schiised ja sgeld bekanntlich wie goldesel. zu dem thema chond mer grad ebay in sinn. Die powerseller und bewertige. Die wo mit briefmarke rich werdet und die wo ned zahled und uf einisch verbrächerischi absichte hend. Ganz normali lüt wie du und ich und die andere, wo uf eimal zu verkäufer werdet oder lüt wo als hobby ebay abgebed. Wemmer da scho werbig mached denn dörfed mer natürlich de ebay konkurrent ricardo.ch ned vergesse. De het sich ja au recht gmacht. Vor allem die priise hend sich recht gmacht. Wemmer öppis wott tür verchaufe denn ab nach ricardo mit dere war. Wennd wotsch schnäppli mache denn ganz klar ebay. De wo ebay erfunde het isch sicher en riche mah. Oder e richi frau? Shopping mues fast e frau erfunde ha.

Teil 1 – 3 verpasst? Hier lang

En tag nach de aschläg in london isch wieder alles in ufrue. Ich glaube chum dass es namal en aschlag wird geh. Vor allem isch s prinzip ja eh schlecht. Si wüssed scho lang dass d’möglichkeit bestoht das es aschläg git. Aber immer erscht wens passiert isch, isch alles in alarmbereitschaft. Wie ich scho am afang erwähnt han, isch es nöd uszschlüsse das mir eus irgenwenn selber id luft jaged. Wenn, wo und wie stoht i de sterne. Vermuetlich gits uf dere welt irgendwo en rote chnopf und wemmer de druckt gönd foif oder acht atombombe ab und die ganz welt explodiert. Die riiche sind denn scho ufem mars i ihrne luftschlösser am wonne. Und mir arme sieche da unne gönd zgrund. Es hämpfeli überläbt das ganze und erzügt e neui zivilisation. Dur die ganze verstrahlige wird sich die denn au verändere. Das ganze rum ziit kontingent gheit usenand und alles wird anderscht. Oder isch das sogar d erstehig vo eus gsi?

Ich bin mal amene vortrag über chornchreis gsi. Geili sach. Ich glaube das de mensch en teil vo dene chornchreis selber gmacht het. Aber ich glaube nöd drah das mer alli selber gmacht hend. Für das simmer doch fill zfuul. Gwüssi sind so abstrackt, das wär geometrisch gar ned möglich das selber zmache. Und vor allem nöd i einere nacht und denn noh ohni das IRGENDÖPPER öppis merkt. Was würd de mensch nur mache wenn’s so vorfäll ned würd geh? Wie würd euses lebe usgseh ohni katastrophene und chrieg? LANGWILIG! Ich glaub eus wär so laangwilig das mer us luuter langwili afange würdet strite.. also irgendwenn wird us dem striit en grosse striit und den gits chrieg. Kurz gseit, es gits keis sii ohni chrieg…

Wer Teil 1 und 2 verpasst hat, findet diese hier.

Ich han i de bruefschuel doch tatsächlich mal e sva (selbschtändigi vertüüüfigsarbät) über gentechnologie gschribbe. Besser gseit über stammzelleforschig. Und dämit das buech au chli en lerneffekt het, erchlär ich doch schnell um was es gaht. Stammzelle sind zelle im körper wo chönd flicke. Die stammzelle chönd je nach beschaffeheit ganzi organismus erstelle. agnoh öpper isch glähmt well em die wichtige verbindige zwüsched chopf und rugge fähled, so chönt mer so stammzelle innesprütze und die gönd go flicke. Die stelled die fehlendi verbindig wieder here. Die merked was sött si aber nöd isch. So stammzelle treit bi de geburt jede vo eus im körper. Nur sterbet die us je älter mer werdet. Es git tier die hend ganz aktivi zelle. Dene chammer es arm abhacke und de wachst wieder nah… so vill zu stammzelle. Ich glaube fest drah, dass das wird zuekunft si. Obwohl das ja sowieso bald chli eng wird uf dem planet, müämär eus mal überlegge ob mir überhaupt immer als ziel dörfed ha alli mensche zrette… also ich möchte nöd eines tages nur no driisg quadratmeter zum lebe ha. Oder nur no eis chind dörfe ufd wält stelle. Das wär also nüt für mich. Ich han mer scho mal überleit was wäri wännd d schwiiz würklich würd i d EU itrette. Ich glaub ich würd uf neuseeland oder kanada uswandere. Ich hoffe eusi politiker und mir als volk sind nöd so blöd und seged JA zu dem ganze. Continue Reading…

Teil 1 verpasst? Hier lang =>

Ich glaub langsam nümm drah dass alles guet isch was mir da so vor hend. Aber was söll mer mache? Ich leb mal vor mich here und lueg was so passiert. Mir sind vermuetlich no so blöd und jagged eus selber id luft. S kuulschte wär wenn’s i 15 jahr kei öl meh hetti.. ich meine. Die wüsseschaftler seged scho lang dass es IRGENDWENN fertig isch. Und wie mir mensche so sind, mer wartet immer bis es itrifft anstatt mal öppis vorbügens zmache. Mini idee für das ganze wär folgendi: mer müässt die gröschte tankstelle betrieber derzue zwinge 10% vo de tankstelle mit biogas oder anderem zbetriebe. Denn würd das ganze vilicht endlich mal chli fürschigah mit dene bio autos. Ich find das e gueti idee, au wenns denn halt im summer die ganz city nach komposcht schmöckt.. ich sege nur NATUR PUR kei angst ich bin kei grüäni oder so. ich mach mir halt eifach so mini gedanke. Apropos gedanke. Ich flitze mal schnell vom einte is andere thema, also wird’s dir bestimmt nöd langwilig. Es isch schad das mer d atombombe entdeckt hend. Aber vilicht hemmer mit dere eifach s falsche gmacht. Vilicht nützt eus die entdeckig ja dass mer mit dere atombombeenergie chöntet rumschiff atribe. (ja mer sind jetzt bi de aliens) wer het nöd akte x glueged und ghoft au mal entfüärt zwerde dass eus de fox mulder chan rette?! Also ich nöd.. nei… ich wär gern d scully gsi. Ich glaub ich het en die ganz ziit im büro vernascht… aber lömmer das suscht isch das buech denn nüme jugendfrei. Weisch übrigens dass wenn mer de furz vo de chüäh chönti abfülle, dass mer enorm vill metangaas hetti und s öl überflüssig würdi werde… cooli sach. Jetzt gsesch denn uf de weid überall chüäh mit metanrucksack und hesch frischi luft wie nie zufor.
Was meinsch? Was trinked d schwiizer meh: vollmilch oder drinkmilch? Ich het eigentlich uf drinkmilch tipped obwohl ich selber en vollmilchtrinker bin. Aber es isch tatsächlich war, d schwizer trinked meh vollmilch (stand 2005) oder 2004 und s isch jetzt eifach veröffentlicht worde.
Hüt isch ja ebe de sibti sibti und es sind vier bombene hoch. Es het zlondon klöpft und gester isch de busch zum zweite mal vom velo gheit.
De federer het wieder mal wimbältän gunne und vo de carmen fenk (musicstar) ghört mer au nüt meh. Gester het london no zuesag für olympia zweituusigzwölf übercho und de schirag (dä französisch möchtegern king) het toibälät. Hehe. Selber tschuld susi.

Mer chunt grad en witz in sinn: welles sind die schlimmschtä tiärliquäler? …………. NONNE, die lönd ihri schneggli vertröchne…..

Bis bald zum Teil 3

Kuhbild geklaut von Google via Swissmilk.ch