Wer Teil 1 und 2 verpasst hat, findet diese hier.

Ich han i de bruefschuel doch tatsächlich mal e sva (selbschtändigi vertüüüfigsarbät) über gentechnologie gschribbe. Besser gseit über stammzelleforschig. Und dämit das buech au chli en lerneffekt het, erchlär ich doch schnell um was es gaht. Stammzelle sind zelle im körper wo chönd flicke. Die stammzelle chönd je nach beschaffeheit ganzi organismus erstelle. agnoh öpper isch glähmt well em die wichtige verbindige zwüsched chopf und rugge fähled, so chönt mer so stammzelle innesprütze und die gönd go flicke. Die stelled die fehlendi verbindig wieder here. Die merked was sött si aber nöd isch. So stammzelle treit bi de geburt jede vo eus im körper. Nur sterbet die us je älter mer werdet. Es git tier die hend ganz aktivi zelle. Dene chammer es arm abhacke und de wachst wieder nah… so vill zu stammzelle. Ich glaube fest drah, dass das wird zuekunft si. Obwohl das ja sowieso bald chli eng wird uf dem planet, müämär eus mal überlegge ob mir überhaupt immer als ziel dörfed ha alli mensche zrette… also ich möchte nöd eines tages nur no driisg quadratmeter zum lebe ha. Oder nur no eis chind dörfe ufd wält stelle. Das wär also nüt für mich. Ich han mer scho mal überleit was wäri wännd d schwiiz würklich würd i d EU itrette. Ich glaub ich würd uf neuseeland oder kanada uswandere. Ich hoffe eusi politiker und mir als volk sind nöd so blöd und seged JA zu dem ganze. Obwohl mit eim bei stömmer ja eh scho dinne. Die EU fuzis wennd doch nur eusi chole. die wend euses bankgheimnis knacke und denn? Denn werdet mir sicherlich NIE MEH imene james bond film erwähnt. Wer will sis geld scho ines land stecke wo so blöd isch wie de rescht? Die terrorischte müänd denn ihres geld unter de madraze verstecke. Die arme… amerika tuet mer au leid. Die hend en präsident wo nöd chan velofahre und en guwanör us östrich wo i sinnere freizit gern törmineitär spillt…. en kampfgeile guwanör und en unfähige präsident sind e gförlichi mischig. Wenn de roger moore (boulin for kolumbaine) präsident wäri, denn würd i glaub sogar no id usa zügle. De siech weis warum amerika so komisch isch. Wo ich mini arbet übers thema schüsse gwalt und games gmacht han isch sini arbet nanig dusse gsi. Si het schlussendlich ums ändliche ghandlet. Aber i wellem land chuntmer bitte es gwär über wenn mer es bankkonto eröffnet? USA. Wo chann mer e riise firma verklage well de kafi zheiss gsi isch? USA. Wo chann mer suscht sim huustier s ganze geld vererbe? USA… die sind doch ned ganz dicht. Ich glaube ganz amerika isch so öppis wie e irreastalt eifach ohni mürli. Muesch es spezial erlaubnis ha das dörfsch ireise.. isch ja au klar, ned jede dörf sich als bekloppte zelle. Ich glaub die ganze komische mensche uf dere welt lebed all in amerika. So verlömmer amerika und gönd de kulumbus go verhaue, de hät die irre ja schlieslich gfunde und ihne gseit wo mer wonned…. ( ich möchte vilicht namal b e t o n e: es isch alles mit humor zgnüsse . Ned zernscht neh und s hirn eifach mal chli ushänke)
Ich hoff nur sie lönd nochli vom regewald stah, suscht chömtes den puff über mit de natur…

monah

Mein Name ist Monah Sorcelli.
Hier schreibe & filme ich über Gedanken, Geistesblitze, coole Gadgets, hilfreiche Tools und Dinge die das Leben neuer machen!

Viel Spass und <3-lichen Dank fürs lesen & Kommentieren!

Comments

comments